Charles Michel

Charles Michel es un politico de Belgia. Il nascet li 21-im de decembre 1975 in Namur e es desde li 1-im de decembre 2019 presidente del Europan Consilie quam successor de Donald Dusk. Charles Michel esset inter li 11-im de octobre 2014 e li 27-im de octobre 2019 prim-ministre de Belgia. Charles Michel es membre del liberal partise Mouvement Réformateur ex li francesi-parlant region Wallonia.

Charles Michel 2014

Personal e professional vive

Charls Michel es li filio del ex-ministre por externi aferes de Belgia Louis Michel. Charles Michel studiat jurisprudentie al Université libre de Bruxelles e al universitá de [Amsterdam]]. In li annu 1998 it recivet li permission de laborar quam advocate in Bruxelles.

Charles Michel ne es maritat.

Political cariera

Ja in li etá de 16 annus Charles Michel devenit un membre in li yunesse organisation del liberal partise Mouvement Réformateur.

• 1994–1999 Membre del parlament del Provincia Brabant Wallon.
• 1999- Desde li annu 1999 membre del federal parlament de Belgia.
• 2000–2004 Ministre del region Wallonia por interni aferes e public functiones.
• 2000– Desde li annu 200 il es un membre del consilie municipal de Wavre
• 2006- Deade li annu 2006 Charles Michel es borgomastro de Wavre.
• 2007–2011: Charles Michel esset federal ministre por li cooperation in li developament in li guvernamentes de Guy Verhofstadt, Yves Leterme e Herman Van Rompuy.
• 2011 Charles Michel es electet quam presidente del partise Mouvement Réformateur.
• 2011-2014 President del partise Mouvement Réformateur.
• 2014 Michel devenit prim-ministre de Belgia quam successor de Elio Di Rupo in un coalition inter su Mouvement Réformateur con li Nieuw-Vlaamse Alliantie, li Christen-Democratisch en Vlaams e li Open Vlaamse Liberalen en Democraten.
• 2014-2019 Charles Michel esset prim-ministre de Belgia inter 11-im de octobre 2014 e li 27-im de octobre 2019.
• 2019 Charles Michel devenit ye li 1-im de decembre 2019 presidente del Europan Consilie e esset por inter februar e novembre 2019 denov presidente del partise Mouvement Réformateur.