Bram Stoker

Abraham "Bram" Stoler esset un autor de Irland. Il nascet li 8-im de novembre 1847 in Marino Crescent in Clontarf proxim de Dublin e morit li 20-im de april 1912 in London. Bram Stoker devenit famosi pro su horror-roman Dracula quel esset publicat in li annu 1897.

Bram Stoker

Personal e professional vive

Bram Stoker esset malad til li etá de sett annus e ne posset ear. Bram Stoker studiat in Dublin al Trinity College historie, litteratura, matematica e fisica. Il anc fat mult de sport al Trinity College. Pos su studie il devenit statal functionario, ma il anc laborat quam jurnalist e critico de teatre. Il havet un long amical relation con li actor Henry Irving.

In li 1878 il maritat Florence Balcombe. Il changeat loc a London u il habitat til su morte. In London il devenit gerentero del teatre Lyceum Theater de su amico Henry Irving. Stoker anc scrit quelc romanes.

Stoker morit in li annu 1912 ante li grand successe de su roman Dracula quel transfertet li sud-ost europan vampire-mite a West-Europa.

Ovre

Romanes

• The Primrose Path (1875)
• The Snake’s Pass (1890)
• The Watter’s Mou’ (1895)
• The Shoulder of Shasta (1895)
• Dracula (1897)
• Miss Betty (1898)
• The Mystery of the Sea (1902)
• The Jewel of Seven Stars (1903)
• The Man (The Gates of Life) (1905)
• Lady Athlyne (1908)
• The Lady of the Shroud (1909)
• The Lair of the White Worm (1911), Foulsham, London
  • plu tard publicat quam The Garden of Evils.

Curt racontas

• Under the Sunset (1881)
• Snowbound: The Record of a Theatrical Touring Party (1908)
• The Judge’s House
• Dracula’s Guest and Other Weird Stories (1914), Routledge & Sons, London

Altri racontas

• Bridal of Dead
• Buried Treasures
• The Chain of Destiny
• The Crystal Cup
• The Dualitists; or, The Death Doom of the Double Born
• Lord Castleton Explains
• The Gombeen Man
• In the Valley of the Shadow
• The Man from Shorrox
• Midnight Tales
• The Red Stockade
• The Seer

Ne-fictional litteratura

• The Duties of Clerks of Petty Sessions in Ireland (1879)
• A Glimpse of America (1886)
• Personal Reminiscences of Henry Irving (1906)
• Famous Impostors (1910)