Boris Nemtsov

Boris Yefimovich Nemtsov (russ: Бори́с Ефи́мович Немцо́в) esset un politico de Russia. Il nascet li 9-im de octobre 1959 in Sotchi e morit per un atentate in Moscva li 27-im de februar 2015. Inter 1997 e 1998 il esset vice-prim-ministre de Russia. Nemtsov esset adherente del political liberalisme e critical contra li autoritan politica del presidente Vladimir Putin.

Personal e professional vive

Inter 1976 e 1981 Nemtsov studiat radie-fisica in Nishny Novgorod. In li annu 1985 il fat su doctoratu in fisica e matematica. Inter 1985 e 1990 il laborat in li rechercha-institute por radio-fisica in Nishny Novgorod.

Nemtsov originat ex un judéic familie. Boris Nemtsov havet quar infantes.

Li 27-im de februar 2015 il esset mortat in li centre de Moscva.

Political cariera

Nemtsov comensat esser activ in ecologic political gruppe pos li catastrofe in Chernobyl in li annu 1986.

1989 Nemtsov candidat sin successe por li Congres del popul-delegates del Soviet-Union.
1990 Il es electet in li parlament de Russia.
1991-1997 Guvernator del Oblast Nishny Novgorod.
1997-1998 Vice-prim-ministre de Russia sub presidente Boris Yeltsin.
1999 Nemtsov esset un del co-fundatores del liberal partise Union del Dextri Forties.
1999-2004 Membre del parlament de Russia.
2001-2004 Presidente del partise Union del Dextri Forties.
2008 Nemtsov forlassat li Union del Dextri Forties. Il abandonat su candidatura por li oficie del presidente del Russia in proteste contra li ínjust conditiones de ti election.
2008 Nemtsov es membre del liberal political movement Solidaritá.
2010-2012 Membre del liberal political partise PARNAS.
2012 Nemtsov devenit membre del liberal political partise Republican Partise de Russia - Partise del Popul Libertá.
2014/2015 Nemtsov oposit fortmen li covrit militari intervention de Russia in Ucraina.