Anna Seidel
Anna Seidel es un sportista de Germania in li sport hivernal shorttrack. Ella nascet li 31-im de marte 1998 in Dresden. Ella partiprendet in li etá de 15 annus in li Olimpic Ludes de hiverne 2014 in Sotchi (Russia).
| Anna Seidel | |
|---|---|
 | |
| Land |  Germania
|
| Nascentie | 31-im de marte 1998 in Dresden |
| Ocupation | Sportist (Shorttrack) |
Quam infanta ella comensat in li atletica, ma transfertet in li etá de nin annus al sport hivernal shorttrack. In li seson 2007/2008 ella fat su prim competitiones in ti sport.
In li annu 2013/2014 ella partiprendet in li unesim competitiones in li bocale mundal de shorttrack. Ella esset ja in li decembre 2013 nominat por li Olimpic Ludes de hiverne 2014 del German National Olimpic Comité.
Anna Seidel esset scolera in li sport-gimnasium de Dresden (Germania), nu ella es studiante. Ella anc exerci in Dresden e ella esset membre del sport-club ESV Dresden.
In li 2021 Anna Seidel ganiat li argente-medallie in li Europan Championatu de Shorttrack in Gdansk (Polonia).