Open main menu
Andrzej Duda in li annu 2013
Signature

Andrzej Sebastian Duda es un politico de Polonia. Il nascet 16-de may 1972 in Kraków e esset li candidate del conservativ partise Jure e Justicie in li electiones presidential 2015. Li 24-im de may 2015 il esset electet quam nov presidente de Polonia.

Personal e professional viveRedacter

Andrzej Duda studiat jurisprudentie e administration in li universitá de Kraków. In li annu 1996 il recivet li gradu de magistre e in li annu 2004 il finit su doctoratu. Il laborat quam docente in li universitá.

Andrzej Duda es maritat con li instructora Agata Kornhauser e su belpatre es li poet e litteratura-critico Julian Kornhauser

Political carieraRedacter

  • 2007-2010 Duda laborat quam consiliero del presidente Lech Kaczyński.
  • 2011-2014 Il esset membre del Sejm (parlament de Polonia por li partise Jure e Justicie.
  • 2014 Duda es electet in li Europan Parlament por li partise Jure e Justicie.
  • 2015 Duda candidat por li oficie del presidente del state por Jure e Justicie.. Il recivet in li unesim rond li 10-im de may 2015 con 34,76 percentes li max mult votes de omni candidates. Li 24-im de may Duda ganiat in li duesim rond e es electet quam presidente de Polonia.
Presidentes de Polonia (III RP)
Lech WałęsaAleksander Kwaśniewski • † Lech KaczyńskiBronisław KomorowskiAndrzej Duda