Andrey Kurkov
Andrey Yuryevich Kurkov (ukrainian: Андрій Юрійович Курков, russ: Андре́й Ю́рьевич Курко́в) es un autor de Ukraina qui scri in russ. Il nascet li 23-im de april 1961 in Leningrad (Russia), ma su familie translocat a Kiev quande il esset in li etá de du annus. Desde li annu 2018 Andrey Kurkov es li presidente del PEN-club in Ukraina.
| Andrey Kurkov | |
|---|---|
 | |
| Land |  Ukraina
|
| Nascentie | 23-im de april 1961 in Leningrad (Russia) |
| Ocupation | Autor |
Andrey Kurkov studiat al Institute por Foren Lingues in Kiev. Il comensat scrir su unesim poema in li etá de sett annus.
Andrey Kurkov habita in Kiev e have tri infantes con su marita Elisabeth, qui origina de Anglia. Kurkov e su familie habitat anc in London.
Andrej Kurkov comenta sovente in international medies li situation in Ukraina e li relation inter Russia e Ukraina. Kurkov condamnat clarmen li invasion de Russia in Ukraina in li annu 2022 e ja in li annu 2016 criticat mult li presidente de Russia pro li bombardement de Aleppo in Siria.
Ovre modificar
Til 2022 Andrey Kurkov publicat 19 romanes, 9 libres por infantes e documentaries por li television. Su ovre esset traductet in 37 lingues e publicat in 65 landes. Su max grand successe esset li roman Смерть постороннего (Li morte e li pinguine), quel esset publicat in li annu 1996.
Li libres de Andrey Kurkov es plen de nigri humor e elementes del surrealisme.