Albin Kurti
Albin Kurti es un politico de Kosovo. Il nascet li 24-im de marte 1975 in Priština e es li fundator e presidente del political partise Vetëvendosje!. Il es li prim-ministre de Kosovo desde li 22-im de marte 2021.
.png)
Personal e professional vive
modificarAlbin Kurti studiat electro-tecnica in li illegal universitás de Priština durante li statu de casu special in li provincia. Il esset un del ductores del resistentie del studiantes contra li serb opression. Kurti esset organisat in li Índependent Union de studiantes del universitá Priština.
In li annu 2003 Kurti finit un studie por computarores e servicies de telecomunication in Priština.
Albin Kurti es maritat con Rita Augestad Knudsen qui es de Norvegia. Li cuple have un infante.
Political cariera
modificar- 1997 Kurti devenit membre del guerilla-organisation UÇK. Il laborat in li biró del political represantante del UÇK Adem Demaçi.
- 1997-1999 Kurti organisat protestes del studiantes contra li serb opression in Kosovo.
- 2000-2001 Kurti esset pro activités arestat in Niš in Serbia.
- 2005 Kurti fundat li movement e political partise Vetëvendosje!.
- 2005-2015 Presidente de Vetëvendosje!.
- 2018 Albin Kurti devenit denov presidente de Vetëvendosje!.
- 2019 Albin Kurti ganiat quam prim-candidate de Vetëvendosje! li parlamentari electiones de Kosovo.
- 2020 Albin Kurti esset electet li 3-im de februar 2020 quam prim-ministre de Kosovo. Il perdit ti oficie li 3-im de junio 2020 pro li rupture del coalition ínter Vetëvendosje! e li Democratic Liga de Kosovo.
- 2021 Albin Kurti devenit denov prim-ministre de Kosovo ye li 22-im de marte 2021 pos li clar victorie de su partise in li electiones parlamentari.
Politica
modificarAlbin Kurti es contra li international presentie in Kosovo e favora un unification de Kosovo con Albania.