Abdullah II de Jordania
Abdullah II bin Al-Hussein (arab:عبدالله الثاني بن الحسين) es desde li 7-im de februar 1999 li rey de Jordania. Il nascet li 30-im de junio 1962 quam filio del rey Hussein I de Jordania. Abdullah II apartene al dinastie del Hashimites, quel regna Jordania desde li annu 1921.
| Abdullah II | |
|---|---|
 | |
| Land | Avise:JOR |
| Nascentie | 30-im Junio 1962 in Amman |
| Partise | null |
| Oficies | |
| Rey del Jordania | |
| Quande | 7-im februar 1999 til nu |
| Antecessor | Hussein I de Jordania |
Abdullah II havet un education militari in li Reyatu Unit al academia militari Sandhurst proxim de London. Il studiat international politica in Oxford e Washington, D.C.. Pos su studies il retornat a Jordania e fat un cariera in li armé de Jordania.
Ye li 25-im de januar 1999 rey Hussein I de Jordania nominat su filio Abdullah per un decrete al prince hereditari. Pos li morte de su patre Hussein I de Jordania Abdullah II de Jordania devenit li rey de Jordania
Desde li annu 1993 Abdullah II es maritat con Rania Al-Yassin e li cuple have du filios e du filias.
In li annu 2012 Abdullah II publicat li libre Our Last Best Chance: The Pursuit of Peace in a Time of Peril (Nor Ultim e Max Bon Chance: Li Persequida de Pace in un Témpore de Riscas).