Željko Šturanović

Željko Šturanović esset un politico de Montenegro. Il nascet li 31-im de januar 1960 in Nikšić (Montenegro) e morit li 30-im de junio 2014 in Paris (Francia). Inter li 10-im de novembre 2006 til li 29-im de februar 2008 Šturanović esset prim-ministre de Montenegro.

Personal e professional viveRedacter

Željko Šturanović studiat jurisprudentie in li universitá de Podgorica. Il finit su studie in li annu 1983 e pos to il laborat in li interprense Željezara in Nikšić in li juridic departement.

Quande il esset prim-ministre on detectet un rar forme de un tumore in su pulmon. Ye li 30-im de junio 2014 il morit pro ti maladie.

Political carieraRedacter

Željko Šturanović fat su poliical cariera quam membre del Democratic Partise de Socialistes. Desde 1993 il esset un alt functionario del Democratic Partise de Socialistes.

  • 1993-2001 Membre del federal parlament del Federal Republica Yugoslavia.
  • 2001 Željko Šturanović esset electet quam membre del parlament de Montenegro.
  • 2001-2006 Inter li 2-im de julí 2001 til li 10-im de novembre 2006 Željko Šturanović esset ministre de justicie in li guvernament de Montenegro.
  • 2006-2008 Inter li 10-im de novembre 2006 til li 29-im de febrzar 2008 Šturanović esset prim-ministre de Montenegro. Il demissionat quam prim-ministre pro motives de sanitá.
  • 2009-2014 Vice-presidente del parlament de Montenegro.