Georgia
Georgia es un land situat in Europa. It es situat in li montania Caucás.
| |||
.svg)
| |||
| Cité capital | Tbilisi | ||
| Lingues | Georgian | ||
| Area | 69 700 km² | ||
| Population | 3 718 200 | ||
| Valuta | Lari (GEL)
| ||
Li capital cité de Georgia es Tbilisi. Li land have un area de 69.700 quadrat-kilometres e 87 percentes del territorie es montania e avan-montania.
Georgia have 4.497.600 (2012) habitantes sin Sud-Ossetia e Abkhazia.
- Presidente: Salome Zourabichvili
- Prim-Ministre: Irakli Garibashvili
Geografie modificar
Georgia es situat in li sud del montania Caucás. 87 percentes del land es montantia e pre-montania. Li max alt monte es li Shkhara con un altore de 5068,9 metres. Li max long fluvie del land es li Kura con 1364 kilometres.
Religion modificar
Ja in li annu 337 li cristianisme devenit li oficial religion del state. 84 percentes del population es membres del autonom Georgian Ortodox Eclesie.
Administration modificar
Georgia consiste ex nin regiones e li autonom republica Adsharia. Li autonom republica Abkhazia e li autonom territorie Sud-Ossetia es éxter li control de Georgia.
Historie modificar
- 337 Li cristianisme devenit li oficial religion del land.
- 11-im til 13-im secul: Georgia esset un índependent reyatu.
- 1801-1917 Georgia esset un parte del Russ Imperia.
- 1917-1921 Georgia esset un índependent state con li nómine Georgian Democratic Republica.
- 1921 Li armé del Soviet-Union ocupat Georgia. Georgia devenit un socialistic sovietic republica.
- 1921-1936 Georgia apartenet al Transcaucasian Federativ Socialistic Soviet Republica.
- 1936-1991 Georgia esset quam Gerorgian Socialist Soviet Republica un parte del Soviet-Union.
- 1991 Georgia devenit denov un índependent state pos li fine del Soviet-Union. Li 9-im de april 1991 Georgia declarat se denov quam índependent state.
- 1992 Sud-Ossetia e Abkhazia separat se de facte de Georgia per li auxilie de Russia.
- 2023 Georgia devenit ye li 13-im de decembre 2023 oficialmen un candidate por li membritá in li Europan Union.
Economie modificar
Li national valuta de Georgia es li Lari. Li agricultura inter omnicos li vinicultura lude un important rol in li economie del land.
Sport modificar
Li max populari sports in Georgia es lucte e football
| Landes de Europa | |
|---|---|
| Albania • Andorra • Armenia • Austria • Belgia • Bielorussia • Bosnia e Herzegovina • Bulgaria • Croatia • Cypria • Dania • Estonia • Finland • Francia • Georgia • Germania • Grecia • Hispania • Hungaria • Irland • Island • Italia • Latvia • Liechtenstein • Lituania • Luxemburgia • Malta • Moldavia • Mónaco • Nederland • Nord-Macedonia • Norvegia • Polonia • Portugal • Rumania • Russia • San Marino • Serbia • Montenegro • Slovacia • Slovenia • Svedia • Svissia • Republica Tchec • Turcia • Ucraina • Unit Reyatu • Vaticano |